അമ്മ: അറിവ്
*******************
അമ്മ പറഞ്ഞതുമറിവല്ലോ
അറിവിന്നുറവയുമാത്മാവ്
അറിവിൻ നിറവാമമക്ഷരമേതും
വിസ്മരിച്ചിടിനാവതില്ലാ
പകരുകിലേറിടുമറിവല്ലോ
പൊരുളായമ്മ കനിഞ്ഞതുമേ
പല കുറിയോതിയരുളീടിൽ
പല നാളായിയുരുവിട്ടും
നന്മ ചൊരിഞ്ഞു വളർന്നീടാ-
നറിവിൻ കാതലുറഞ്ഞീടാൻ
ചിത്തമതാദ്യമൊരുങ്ങേണം
ചിന്തയിലന്ത്യവുമെത്തേണം
അന്തരമേതില്ലറിയേണം
അന്തി വെളുക്കെയുമുണരേണം
നിനവുകൾ കിനിയും ഖനിയതിൽ
കനവുകൾ തേടിയലഞ്ഞീടിൽ
നേടാനാവും നവലോകമതിൽ
സാഹോദര്യം വിളയാടും
മാനവകുല നിലനില്പല്ലോ
അറിവുകൾ തേടിയലയും യാത്ര
അറിവിലുമേറിയറിഞ്ഞീടിൽ
അറിവും തിരുമുറിവാകരുതേ
അറിയും തോറുമകലും നിഴലുകൾ
ഇരുളുകളോടി മറഞ്ഞീടും
No comments:
Post a Comment